Напаѓачот на Арсенал, Дани Велбек ќе го напушти тимот по крајот на сезоната, бидејќи договорот со лондонскиот тим истекува и нема да биде обновен. По вчерашното реми против Брајтон (1:1), англискиот репрезентативец, кој во моментов е повреден, излезе на теренот за да добие аплауз од навивачите на „топџиите“.
– Зборувавме со клубот за неговата иднина и одлуката беше да си замине, рече менаџерот Унаи Емери.
Поранешниот играч на Манчестер Јунајтед пристигна во северен Лондон за 16 милиони фунти во 2014 година и помина пет сезони во тимот, во кои успеа да постигне 25 гола во Премиер лигата.
Честите повреди, сепак, го спречија тој да биде постојано во тимот, а сега во конкуренција на напаѓачи како Пјер-Емерик Обамејанг и Александар Лаказет, тој се повеќе и повеќе мораше да останува на клупата.
Според британскиот печат, Евертон, Њукасл и Вест Хем се клубови кои се заинтересирани за неговите услуги.