Натпреварувачите од клубот Бета викендот учествуваа на меѓународниот пливачки натпревар „Телеком” кој се одржа во Радовљица, Словенија од каде успеаја да се вратат со медали и се изборија за финалиња.
Ангеловски Љупчо освои второ место во дисциплината 50 метри делфин, а успеа да се избори за финале во дисциплините 50 метри слободно и 100 метри слободно.
Два сребрени медала се за Цветковски Стефан кој освои второ место во дисциплината 50 метри делфин и 100 метри делфин.
Стојаноски Андреј успеа да се избори за финале во дисциплините 400 метри мешано и 400 метри слободно и Стошиќ Александар кој успеа да се избори за финале во дисциплината 50 метри слободно.
Ова беше последниот меѓународен натпревар за оваа пливачка сезона каде настапи ПК Бета.