Трета среќа за Лопез, Атија најдобар кај автомобилите

Кај моторциклите Чилеанцеот Франциско Лопез е победник на третата етапа од релито Дакар, која се возеше во Перу во должина од 243 километри.

Лопез мина во време од два часа 37 минути 54 секунди, а прв во генералниот пласман е Сирил Депре од Франција на КТМ.

Во конкуренција на автомобили победникот од 2011 година Насер ал Атија во Баги, победи на денешната етапа со време 2:30:14 часа, пред Роби Гордон во Хамер и бранителот на титулата Стефан Петерхансел кој е прв во генералниот пласман.

Четвртата етапа оди од Наска до Арекипа во должина од 429 километри.