Фудбалерот на Атлетико Мадрид, Фернандо Торес поради повреда на глуждот ќе го пропушти реванш натпреварот од Кралскиот куп против Рајо Валекано, соопшти неговиот клуб.
Торес се повреди на тренинг, а деталните прегледи покажаа повреда на глуждот на десната нога. Атлетико не информира кога напаѓачот ќе се врати на теренот.
– Следува физикална терапија, па лесни тренинзи со физички вежби со интензитет во зависност од закрепнувањето, се наведува во соопштението.
Атлетико утре на домашен терен игра со Рајо во обид да се пласира во четвртфиналето од шпанскиот куп по нерешените 1:1 на првиот меч.