Шпанските медиуми тврдат дека вечерва ќе биде објавено дека Тито Виланова се повлекува од местото тренер на Ноу Камп.
Тито Виланова минатото лето го замени на клупата на Барселона Жозеп Гвардиола кому три години му беше помошник, меѓутоа на средината од сезоната мина два месеца на лекување во Њујорк поради рак на грлото.
Во текот на лекувањето на Виланова, екипата ја водеше неговиот помошник Жорди Роура, а кон крајот на сезоната Виланова се врати на кулпата. Барса минатата сезона убедливо ја освои титулата во Шпанија со 15 бодови повеќе од најголемиот ривал мадридски Реал.
Претседателот и спортскиот директор на Барселона, Сандро Росел и Андони Зубизарета најавија вонредна прес-конференција во петок во 20.30 часот по средноевропско време.