Меѓународната фудбалска федерација (ФИФА) планира да воведе и син картон како форма на казна, покрај црвените и жолтите картони, пишува британски „Телеграф“.
Телеграф се повикува на оригиналните документи од Бордот на ФИФА, како и на фактот дека тоа ќе биде прва голема промена во санкционирањето на играчите од 1970 година.
По добивањето син картон, играчот ќе мора да ја напушти играта на десет минути. Според правилникот, играчите кои ќе направат доволно груб прекршок или во случај на играчи кои немаат доволно почит кон судиите, би биле казнети, пренесува Танјуг.