Претседателот на ФИФА, Џани Инфантино најави подобрувања на ВАР технологијата.
Многумина ги поистоветуваат овие промени со барањето челенџ во тенисот.
„Ќе го развиеме и подобриме ВАР. Тој систем го користат 65 национални асоцијации, но сега ќе го подобриме. Создадовме побазична технологија со помалку камери и без судии да одлучуваат, така што ќе биде достапен за секого и полесен. Тој систем веќе се тестира“, рече Инфантино, додавајќи:
„Ќе функционира така што тренерот на секој тим ќе има право да бара помош од ВАР двапати по натпревар. Доколку првобитната одлука на судијата се смени по таквата барана ревизија, тимот што побарал преглед сепак ќе има право повторно на две проверки. Но, доколку по ваквата барана проверка, ВАР ја потврди одлуката на судијата на теренот, тогаш тимот што ја побарал го губи правото на една проверка на негово барање“.
Покрај промените на ВАР, на конгресот во Бангкок беше најавено и спроведување на договорените меѓународни натпревари.
Така, Светското клупско првенство за жени ќе се одржи во 2026 година, а првенството до 17 години ќе се потврдува секоја година.
Светското првенство за играчи до 20 години ќе се одржува секоја втора година, а планирано е и Светско првенство до 15 години.