Боксерскитe легенди Мајк Тајсон и Ивандер Холифилд срдечно се прегрнаа при повторната средба, што и не беше очекувано ако се знае дека Тајсон своевремено во рингот на Холифилд му одгриза парче од увото.
Тајсон дошол во супермаркетот во Чикаго каде неговиот стар ривал промовирал сос именуван по него, „Holyfield Real Deal“.
– Јас го сакам Ивандер. Засекогаш сум поврзан со него до крајот на мојот живот, рече Тајсон, кому во 1997 година му беше изречена забрана за работа со бокс откако на Холифилд му откина парче од увото, јави „Д Сан“.
– Тој го цени тоа што му простив, а такви работи се случуваат во животот, порача Холифилд. Тие двајца уживаа во можноста за дружење.