Екипата на Реал Сосиедад синоќа ја победи Малага и на домаќините им го нанесе третиот пораз во низа.
На последниот дуел од 18.коло во шпанската Примера Сосиедад до бодовите стигна со головите на Мартинез Бериди и Хуанми постигнати во второто полувреме.
Со оваа победа, Реал Сосиедад се искачи на петтата позиција на табелата со 32 бода, додека пак Малага остана на 13-то место со 21 освоен бод.
Лидер е Реал Мадрид (40 бода), пред Севиља (39) и Барселона (38).