Екипите на Сосиедад и Дерпортиво Ла Коруња одиграа нерешено 1:1 во натппреварот од 20. коло на фудбалското првенство на Шпанија.
На средбата играна синоќа на стадионот „Аноета“ во Сан Себастијан, гостите од Ла Коруња поведоа со голот на Луис Алберто во 26-та минута, а конечните 1:1 ги постигна Џаби Пието од пенал во 75-та минута.
На останатите три натпревари одиграни вчера се постигнати следниве резултати: Севиља – Малага 2:1, Селта Виго – Леванте 4:3 и Виљареал – Бетис 0:0.
Денеска ќе се играат натпреварите: Валенсија – Рајо Ваљекано, Реал Мадрид – Спортинг Хихон, Лас Палмас – Атлетико Мадрид, Гетафе – Еспањол и Барселона – Атлетик Билбао.
Колото ќе биде комплетирано утре со средбата Еибар – Гранада.
Табела: Атлетико Мадрид 44, Барселона 42 (-1 натпревар), Реал Мадрид 40 бодови, Виљареал 40, Селта Виго 34, Севиља 32, Еибар 30, Атлетик Билбао 28, Депортиво Ла Коруња 28…