Поранешниот тренер на Реал Мадрид, Германецот Бернд Шустер ќе биде новиот тренер на шпанскиот клуб Малага, јавуваат медиумите во оваа земја.
Разговорите меѓу раководството на клубот и новиот тренер започнале вчера, а денеска биле финализирани деталите по што се очекува и официјализирање на соработката.
Шустер на тренерската позиција во Малага доаѓа на местото на Мануел Пелегрини.
Пред доаѓањето во Малага, 53-годишниот германски стручњак имаше пауза од 2011 година кога си замина од Бешикташ.
Во Шпанија, Шустер бил тренер и на Леванте, Ксерез, Хетафе и Реал Мадрид.