Екипата на Селта Виго го елиминира Реал Мадрид во четвртфиналето на фудбалскиот Куп на Шпанија и се пласира во полуфиналната фаза.
Во реваншот одигран синоќа во Виго, средбата меѓу Селта и Реал заврши без победник 2:2, па за домаќините доволен беше триумфот на „Сантијаго Бернабеу“ со 2:1 за да се најдат меѓу четирите најдобри.
А, таму место обезбеди и Атлетико кој во реванш дуелот со Еибар на гостински терен одигра нерешено 2:2, но пред седум дена во Мадрид славеше убедливо со 3:0.
Претходно пласман во полуфиналето на „Кралскиот куп“ обезбедија и фудбалерите на Алавес кои го елиминираа Алкоркон.
Последниот полуфиналист ќе биде познат вечерва по одигрувањето на дуелот на „Камп Ноу“ каде Барселона го пречекува Сосиедад со предност од 1:0 по мечот одигран во Сан Себастијан.