Се одржа првата планинарска трка Охрид треил

Од:

Словенските натпреварувачи Јуре и Јања Облак кои се татко и ќерка се победници на првото издание на Планинарска трка Охрид треил која вчера се одржа низ падините на планината Галичица и градот Охрид.

Делницата од 60 километри Јуре Облак ја помина за 7 часа, 38 минути и 22 секунди, додека Јања финишираше за 9 часа, 55 минути и 21 секунда. Второпласиран во машка конкуренција заврши Дарин Марквард со време (7.39.52), а трет низ целта помина македонскиот учесник Никола Илиевски со време (8.26.49). Второто место во женска конкуренција и припадна на Сања Најдовски од Македонија со време (9.59.14), а на третото место од пиедесталот се искачи Десислава Цветанова од Бугарија која патеката од 60 километри ја помина за 10.06.45. Трката на 60 километри ја започнаа 49 натпреварувачи, а завршија 41.

Во склоп на Охрид треил се одржа и мала трка на 35 километри. Во машките најдобар беше Марјан Бонев од Македонија кој патеката ја помина за 3 часа, 59 минути и 42 секунди, а помеѓу женските најдобра беше Антонија Бежовска од Македонија со време (5.21.19). На 35 километарската трка на стартот се појавија 81 натпреварувач, а завршија 77.

Пласман:

Машки 60км

1.Јуре Облак (Словенија) – 7 часа, 38 минути и 22 секунди
2.Дарин Марквард (САД) – 7.39.52
3.Никола Илиевски (Македонија) – 8.26.49

Женски 60км

1.Јања Облак (Словенија) – 9.55.21
2.Сања Најдовски (Македонија) – 9.59.14
3.Десислава Цветанова (Бугарија) – 10.06.45

Машки 35км

1.Марјан Бонев (Македонија) 3.59.42
2.Димитар Михаилов Миовски (Македонија) 4.06.28
3.Иван Пешовски (Македонија) 4.13.45

Женски 35км

1.Антонија Брежовска (Македонија) 5.21.19
2.Ана Милосављевиќ (Србија) 6.01.20
3.Катерина Николовска (Македонија) 6.02.12

Би можело да ве интересира

(ВИДЕО) Сугарески: Реконструкција на многу патишта немаше од времето на Тито, ВМРО-ДПМНЕ остави пустош

Предраг Петровиќ

Антикорупциска влезе во Охрид и Струга – проверува кои плажи немаат концесионери и работат на диво

Кристијан Ландов

На 8 септември ќе се одржи традиционалниот „Охридски атлетски маратон“

ВИДЕО: Сериозна ситуацијата со пожарот во Охрид, заседава кризниот штаб

Татјана Ташкова

Пожар во селото Опеница, чадот се шири кон Охрид

Татјана Ташкова

Во водите на Охридското Езеро ќе се плива десеткилометарска трка во рамки на Европскиот ЛЕН куп