Менаџерот на Челзи, Маурицио Сари, ги негираше гласините за можен премин во Рома.
Претходно во медиумите имаше информации дека 60-годишниот стратег не е против враќањето во Италија.
– Сакам да останам во Челзи. Го сакам англискиот фудбал и оваа атмосфера. Сакам да останам во Премиер лигата, дури сум подготвен да работам во друг клуб. Резултатите од првата сезона? Работата оди во вистинската насока. Целта не беше во тоа да се освои трофеј по секоја цена, потребно е прво да се подобри тимот и самите играчи, изјави Сари.
Италијанецот дојде во Челзи летото 2018 година. Претходно, тој беше на чело на Наполи.
Лондонскиот тим го зазема третото место на табелата во Премиер лигата со 71 поен, а до крајот останува само 1 натпревар.