Руски новинар бил во Нагорно Карабах, поради тоа не го пуштаат да известува од ЕУРО2020

Од:

Рускиот новинар со ерменско потекло, Нобел Арустамијан, остана без акредитација за Европското фудбалско првенство поради повеќекратни посети на Нагорно – Карабах, ерменска енклава на територијата на Азербејџан, која е под контрола на Ерменија и населено со мнозинство Ерменци.

Арустамијан, кој е од ерменско потекло, а известува за руската телевизија „Match TV“, објави дека не добил акредитација за следење на ЕУРО2020 кое заеднички го организираат 11 европски градови, вклучувајќи ја и азербејџанската престолнина Баку.

За акредитација на новинарите на ЕУРО2020 е потребна согласност од сите 11 национални фудбалски федерации.

Потпретседателот на Фудбалската федерација на Азербејџан, Елкан Мамадов, потврди дека неговата земја стои зад блокадата.

– Ова лице повеќе пати ги посетило окупираните територии. Тој човек ги прекршил законите на нашата држава, покажувајќи непочитување кон територијалниот интегритет на Азербејџан, изјави Мамадов за локалните медиуми.

Одбивањето да му биде издадена акредитација на Арустамијан предизвика гнев кај неговите руски колеги и матичната куќа.

Портпаролката на руската дипломатија Марија Захарова истакна дека „нејзините служби работеле цела ноќ“ со УЕФА во обид да му биде овозможено на Арустамијан „да ги извршува своите професионални обврски“, воздржувајќи се, притоа, од критики кон Азербејџан со кој Русија одржува добри односи.

– Верувам дека ќе се најде решение, порача портпаролката на руското Министерство за надворешни работи.

Би можело да ве интересира

ВИДЕО: Полска одолеа на шпанските напади

ВИДЕО: Мегадуел со шест гола во Минхен, Германија ја победи Португалија

Елмас: Да одиграме за нацијата и да се одјавиме со победа од ЕУРО

Пандев поради болка во зглобот го пропушти утринскиот тренинг во Амстердам

Катерина Павлова-Николовска

Саутгејт го разбира значењето на мечот со Шкотска

Ана Ололовска

ЕВРО 2020: Бускетс доби негативен тест на коронавирус и ќе се приклучи на шпанската репрезентација

Ана Ололовска