Најдобриот фудбалер на Реал Мадрид, Кристијано Роналдо рече дека е неверојатно што Реал Мадрид успеа да ја одбрани титулата и да го освои 12 шампионски континентален трофеј.
Португалецот синоќа во Кардиф постигна два гола во победата над Јувентус со 4:1.
– Неверојатно. Уште една неверојатна сезона. Ја завршивме со трофеј и со рекорд, затоа сум многу среќен, изјави Роналдо.
Тој е само третиот играч што постигнал гол во три финалиња од евро-куповите. Претходно реализираше во 2008 и 2014 година.