Арјен Робен постигна два гола во последниот натпревар во дресот на холандската репрезентација. Холандија синоќа ја победи Шведска со 2:0, недоволно да обезбеди бараж за Светското првенство 2018, бидејќи и требаше победа со седум голови разлика.
Робен со солзи во очите ја пееше химната на неговата земја.
Тој одигра 96 натпревари за Холандија и постигна 37 гола.
Играше во финалето на Светското првенство 2010 во Јужна Африка, а четири години подоцна во Бразил, со „лалињата“ го освои третото место.