Следната сезона фудбалерите на Барса ќе имаат нов дизајн на гостинските дресови, кои ќе бидат во боите на Каталонија, односно црвено-жолти.
Шпанскиот гигант новиот дизајн на дресовите го објави на својата официјална страница, на која позираат Меси, Иниеста и капитенот Пујол во гостински, додека Пике и Чави се во новите домашни дресови.
Првиот сет на дресови претрпе мали промени, на кој се враќаат класичните плаво-сини линии, но најголеми измени има вториот сет, кој предизвика и најголемо внимание кај фановите. Тој е со црвено-жолтите линии, боите на Каталонија.
Производителот на дресовите е ист, американскиот гигант Најки. Дресовите ќе бидат 23 проценти полесни и 20 проценти поцврсти од старите, а новост ќе биде фактот што ќе бидат растегливи.