Фудбалерите на Реал Мадрид со голот на Кристијано Роналдо во судиското надополнување на вториот дел го изедначија резулттот на 2:2 и освоија еден бод на синоќешниот натпревар од 36.коло.
На домашен терен „кралскиот клуб“ се мачеше во дуелот со Валенсија која во два наврати водеше. Гостите преку Жереми Матју поведоа во 44.минута. Во 59.минута изедначи Серхио Рамос, а ново водство за Валенсија донесе Парехо во 65.минута.
Со нерешениот резултат Реал Мадрид не го искористи поразот Атлетико Мадрид во борбата за шампионската титула и значително да ја намали бодовната разлика.
На другите дуели од ова коло во Примера беа постигнати резултатите: Севиља – Виљареал 0:0, Леванте – Атлетико Мадрид 2:0, Алмерија – Бетис 3:2, Ваљадолид – Еспањол 1:0, Осасуна – Селта 0:2, Малага – Елче 0:1, Барселона – Хетафе 2:2 и Рајо Ваљекано – Атлетико Билбао 0:3.
Вечерва се игра натпреварот Реал Сосиедад – Гранада.
Табела: Атлетико Мадрид 88 бодови, Барселона 85, Реал Мадрид 83, Атлетик Билбао 68, Севиља 60, Реал Сосиедад 57, Виљареал 53,…