Реал Мадрид го победи Кадиз со 3:1 во првиот натпревар од 1/16финалето во фудбалскиот Куп на Шпанија, но се соочува со елиминација поради настап на играч под суспензија.
Шпанските медиуми информираат дека рускиот интернационалец Денис Черишев од минатата сезона кога настапуваше за Виљареал ја „пренесе“ суспензијата поради три жолти картони.
Доколку оваа информација се покаже како точна Реал ќе биде суспендиран од купот.
Русинот го одигра првото полувреме по што беше заменет со Матео Ковачиќ.
Оваа сезона веќе се има појавено идентичен пропуст на натпреварот Осасуна – Мирандес. Фудбалерот на Осасуна Унаи се најде на теренот, иако тој беше суспендиран и неговиот тим беше дисквалификуван.