Реал Мадрид ја официјализираа соработката со германскиот автомобилски гигант БМВ, кој ќе го замени Ауди како автомобилски партнер на „кралевите“.
Потпишувањето беше оддржано на церемонија во седиштето на Реал Мадрид од претседателот Флорентино Перез и Мануел Тероба, претседателот на БМВ групацијата за Шпанија и Португалија. БМВ е третиот главен спонзор на Реал по „Флај Емиратс“ и „Адидас“.
„Реал Мадрид не само што е водечка спортска институција, туку е и компанија во постојан развој, која постојано бара исклучителни перформанси преку талент, квалитет и лидерство“, велат од БМВ.
Извор: Топспорт