Тимот на Реал Мадрид е вториот патник во големото финале од Лигата на Шампионите, откако во полуфиналниот двомеч беше поуспешен од тимот на Атлетико Мадрид.
Откако во првиот натпревар на домашен терен славеа со 3-0, вечерва во реванш дуелот беа поразени со 2-1, што е доволно за пласман понатаму.
Сите голови паднаа во првото полувреме, а стрелци на головите за Атлетико Мадрид вечерва беа Саул Нигес и Гризман, додека единствениот гол за Реал го постигна Иско.
Големото финале од Лигата на Шампионите ќе се игра на 3. јуни во Кардиф.