Реал Мадрид го помина Манчестер Јунајтед и изби на врвот на листата на најбогати фудбалски клубови во светот која ја објавува американскиот магазин „Форбс“.
Богатството на шпанскиот гигант е проценето на 3,3 милијарди долари и тоа во споредба со минатата година е зголемено за 76 отсто.
Најбогатиот клуб во изминатите 20 години, премиерлигашот Манчестер Јунајтед падна на втората позиција со проценета вредност од 3,17 милијарди долари.
Трета на оваа листа е Барселона која вреди 2,6 милијарди долари.
Од четвртото до 10.место се наоѓаат: Арсенал (1,33 милијарди долари), Баерн Минхен (1,31), Милан (0,945), Челзи (0,901), Јувентус (0,694), Манчестер Сити (0,698) и Ливерпул (0,651).
Според „Форбс“ најбогат фудбалер е Дејвид Бекам со 50,6 милиони долари, пред Кристијано Роналдо со 43,5 и Лионел Меси со 40,3 милиони долари.