Фудбалерот на мадридскиот Реал, Серхио Рамос изјави дека е време играчите на „кралскиот клуб“ да го заборават поранешниот тренер Жозе Мурињо.
-Мора да го заборавиме неговото владеење во Реал и да се обидеме да го направиме она она што ни го донесе новиот тренер Карло Анчелоти. Системот на игра кој што го има Италијанецот не ни е нов, но се работи за променета филозофија-наведе Рамос.
Тој додаде дека Икер Касиљас дефинитивно си го заслужува своето место, кое што го загуби минатата сезона кај Мурињо.
-За нас тој и понатаму е најдобар голман на светот. Има играчи кои што му се конкуренција, а Диего Лопез минтата сезона исто така покажа квалитет-додаде Шпанецот.
Мурињо по завршување на мината сезона го напушти Реал и се врати на клупата на Челзи.
Тимот на Реал вечерва во Глендеј ќе игра финале во меѓународниот турнир, токму против екипата на Мурињо.
Елена Георгиевска