Со одигрувањето на последните три реванш осминафинални натпревари во фудбалскиот Куп на Шпанија, познати се сите осум екипи кои ќе играат во четвртфиналната фаза. Последни кои обезбедија влез во осумте најдобри се Атлетико Мадрид, Барселона и Бетис.
Двојките за четвртиналето во Копа дел Реј се: Реал Мадрид – Валенсија, Барселона – Малага, Атлетико Мадрид – Бетис и Сарагоса – Севиља.
Првите средби ќе се играат на 16 јануари, а реванш дуелите се седум дена подоцна.
Комплетни резултати од реваш дуелите во осминафиналната рунда:
Хетафе – Атлетико Мадрид 0:0 (0:3 прв натпревар),
Барселона – Кордоба 5:0 (2:0),
Бетис – Лас Палмас 1:0 (1:1),
Малага – Еибар 4:1 (1:1),
Валенсија – Осасуна 2:1 (2:0),
Севиља – Мајорка 1:2 (5:0),
Реал Мадрид – Селта Виго 4:0 (1:2),
Сарагоса – Леванте 2:0 (1:0).