Претседателот на Реал Мадрид, Флорентино Перез и официјално соопшти дека клубот следната сезона ќе ја дочека со нов тренер.
– Во меѓусебен договор со Мурињо одлучивме дека најдобро за двете страни е да заврши нашата соработка. Тој не е отпуштен туку одлуката за негово заминување е заедничка. Раководството на нашиот клуб му се заблагодарува за неговата работа и постигнатите резултати.
– Реал Мадрид предводен од Мурињо изминативе три години забележа видлив напредок. Му посакуваме се најдобро во новата средина, истакна Перез на прес-конференцијата на која го објави заминувањето на Портигалецот.
Жозе Мурињо имаше актуелен договор со „кралскиот клуб“ уште три години. Тој во Мадрид пристигна 2010, а со клубот освои еден шампионски трофеј, еден трофеј од „Копа дел Реј“ и еден Суперкуп.
Сезонава 2012/13 Мурињо ја оцени како најлоша во неговата тренерска кариера.
Сеуште нема информации кој ќе биде наследник на португалскиот стручњак за кого се шпекулира дека се враќа во премиерлигашот Челзи.