Пливачите на Вардар 2018, Евгениј Поп Ацев и Јана Костадиновска од клубот Нептун се победници на Летното Национално првенство во далечинско пливање одржано во текот на вчерашниот ден во Скопје.
Се пливаа две делници, на 5 и на 2,5 километри.
На помалата делници учествуваа пливачи родени 2006-2008 година.
Во оваа категорија најбрзи беа Михаил Велков од Нептун и Сара Јанковиќ од Скопје.
На првенството учествуваа 29 пливачи од шест клубови.
Следен натпревар во календарот на Националната пливачка федерација е Меѓународниот пливачки митинг „Гран при Македонија опен“ на 17-18 април.