Британецот Луис Хамилтон од „Мерцедес“ ќе стартува од пол позицијата на 10-та трка оваа сезона во формула 1 што се вози за Големата награда на Унгарија на патеката во Хунгароринг.

Тој до третата пол позиција по ред стигна со најдоброто време на денешните квалификации.

Во првиот ред до него ќе биде светскиот првак Себастијан Фетел од Ред Бул, а трет резултат постигна возачот на Лотус, Роман Грожан.

Разликата меѓу првиот Хамилтон и вториот Фетел беше само четири стотинки.

Хамилтон е единствениот возач, кој последните десет години на трката во Хунгароринг од пол позицијата успеал да стигне до победата. Тоа му успеа во 2007 и 2012, а победа на оваа патека има и 2009 година.

До Грожан за четвртото место се избори Нико Розберг од Мерцедес, а по него следат Фернандо Алонсо од Ферари и Кими Раиконен од Лотус.

Стартот на трката е утре во 14 часот.