Во петте најсилни европски фудбалски лиги, покрај италијанските, со голем број наместени натпревари се соочуваат и шпанските првенства.
Претседателот на Шпанската фудбалска лига Хавиер Тебас откри дека девет натпревари од ланското првенство од Првата и Втората лига се под истрага поради обвинение за местење резултати.
Три од нив се од Примера Дивизија, но не беше соопштено за кои дуели се однесува истрагата.
– Нема да кажам кои натпревари се сомнителни за да не ја попречам истрагата, изјави Тебас.
Сепак шпанските медиуми веќе излегоа со претпоставка дека тоа се натпреварите: Леванте – Депортиво Ла Коруња 0:4, Леванте – Селта Виго 0:1 и Сарагоса – Атлетик Билбао 1:2.