Во своето деби во редовите на шампионот на АБА лигата, Цибона, поранешниот македонски кошаркарски репрезентативец Владо Илиевски постигна осум поени, а неговиот нов тим победи на гостувањето кај Крка со 80:70.
Лидерот на табелата Црвена Звезда ја оствари и седмата победа и има максимален учинок по 7.то коло. „Црвено-белите“ победија на гостувањето кај Шолнок со 89:65.
На третиот натпревар одигран синоќа Металац ја победи Игокеа со 81:68.
МЗТ Скопје Аеродром во саботата загуби на гостувањето кај Партизан со 65:50, Будуќност ја совлада Мега Визура 88:80, а Задар загуби дома од Олимпија 60:67.
Вечерва се игра последниот натпревар од 7.коло Цедевита е домаќин на Левски.
Табела: Црвена Звезда 7-0 (победи-порази), Будуќност 6-1, Крка 5-2, Олимпија 4-3, Мега Визура 4-3, Цедевита 4-2, Шолноки 3-4, Партизан 3-4, Цибона 3-4, Игокеа 2-5, Задар 2-5, Металац 2-5, МЗТ Скопје Аеродром 2-5, Левски 1-5.