Пионерската и кадетската селекција на Вардар се пласираа меѓу најдобрите пет екипи на турнирот „Belgrade Handball Challenge“, што од 24 до 27 август се одржа во Белград, Србија.
Пионерите на Вардар (генерација 2002) предводени од Андријана се пласираа на 5. место, откако ја победија екипата на Војводина со 17-16.
На првиот ден од турнирот пионерите стартуваа со победа против екипата на Рудар со 16-15, а потоа изгубија од Партизан со 17-19. Во групната фаза од натпреварите, изгубија од екипата на Дубрава со 15-19, а убедливо подобри беа од момчињата од Павлеки и славеа со 29-14. Во разигрувањето за пласман го победија Медвешчак со 20-15.
Кадетската екипа, која годинава настапува со подновен состав, се пласираше на 4 место. Избраниците на Слободан Чивлачки и Кристијан Грчевски се натпреваруваа во категоријата родени 2000 година, а во групната фаза имаа ривали од Србија и од Хрватска. Во натпреварот за 3. место не успеаја да ги победат момчињата од Раковица, кои беа подобри од нас со 30-24. Во полуфиналето изгубија од Дубрава со 32-24.
Во групната фаза вардарци беа подобри од Синѓелиќ со 17-16, и Партизан со 24-21. После поразот од Војводина со 16-20, го совладаа Медвешчак до 25-16.