Водечките две екипи во шпанската Примера Дивизија, во 30.коло на своите противници им дадоа по пет гола.
Реал Мадрид со 5:1 го победи Леванте, додека Барселона забележа триумф од 5:0 против Мајорка, исто така на домашен терен, а Ерик Абидал заигра на овој натпревар по долга пауза поради ракот на црниот дроб.
Убедлива победа со 5:1 во петокот оствари и Бетис на гостувањето кај Гранада.
На другите два натпревари од оваа рунда одиграни во текот на вчерашниот ден: Сосиедад – Малага 4:2 и Депортиво Ла Коруња – Сарагоса 3:2. Денеска играат: Селта – Рајо Ваљекано, Осасуна – Еспањол, Хетафе – Атлетико Мадрид и Валенсија – Ваљадолид. Колото ќе биде комплетирано утре со натпреварот меѓу Севиља и Атлетик Билбао. Табела: Барселона 78 бодови, Реал Мадрид 65, Атлетико Мадрид 61, Реал Сосиедад 51, Малага 47, Бетис 47, Валенсија 46,…