Првиот човек на Реал Мадрид, претседателот Флорентино Перез им упати порака на навивачите на „кралскиот клуб“ да не се грижат околу иднината на Кристијано Роналдо и дека таа е поврзана со неговиот сегашен клуб.
– Роналдо останува во Мадрид и ние ќе платиме колку што е потребно за продолжување на неговиот договор. Кристијано е наш лидер во победите. Со него во составот верувам во продолжување на успешните резултати во Лигата на шампионите, како и во „Копа дел Реј“, изјави Перез.
Оваа изјава на Перез доаѓа по неколку месечните шпекулации дека Роналдо по истекот на договорот ќе го напушти Реал, а во прилог на тоа одеше и изјавата на Португалецот дека во Реал не е среќен.
Роналдо има актуелен договор со Реал Мадрид до крајот на сезоната 2014/15.