Шпанскиот гигант Реал Мадрид е заинтересиран во своите редови да го донесе голманот на Лас Палмас, Фернандо Пачеко, пренесуваат медиумите од Шпанија.
Со своите одлични настапи оваа сезона, Пачеко го привлече вниманието на раководството и стручниот штаб на Реал Мадрид, кој е подготвен да започне преговори за негов ангажман во претстојниот зимски преоден рок..
Инаку Пачеко потекнува од младинската шока на Реал, а тој ги мина сите младинските категории на „кралевите“, но никогаш не доби шанса за настап во првиот тим.
Сезонава на шест натпревари не прими гол, односно успеа да ја сочува својата мрежа, па благодарение на неговите одлични настапи, Лас Палмас се наоѓа на 10.место со освоени 21 бод и е далеку од зоната за испаѓање.