На Светското првенство во спортови на вода во Барселона денеска се одржаа и првите четири финални дисциплини во пливање. Во трката на 400 метри кај мажите првото место и златниот медал го освои Јанг Сун од Кина со резултат – 3:41.59 минути. Среброто му припадна на Косуке Хагино од Јапонија, а бронзата ја освои Американецот Конор Џегер.
Во истата трка кај жените победи Американката Кети Ледецки со резултат – 3:59.82 минути. Втора заврши Шпанката Мелани Коста Шмид, а трета Лорен Бојл од Нов Зелнад.
Во штафетната трка 4 х 100 метри слободно кај жените во последните неколку метри штафетата на САД ја мина австралиската штафета и го освои златниот медал, додека трета заврши Холандија.
Кај мажите во штафетата три репрезентации се бореа за првата позиција и златниот медал, а најбрзи беа Французите, пред Американците и Русите.