27-годишниот напаѓач на Атлетико Мадрид, Радамел Фалкао е на мета на многу клубови, но колумбискиот репрезентативец вели дека не добил ниту една понуда.
“Нема конкретни понуди од другите клубови. Ништо не се случува, бидејќи ништо не добив”, рече Фалкао.
Медиумите шпекулираат дека Фалкао е најблизу до преминување во Реал Мадрид или Челси.
“Имам договор со Атлетико уште 3 години. Тоа е се што можам да кажам во овој момент”, истакна Фалкао, кој пред одењето кај Јорганџиите беше член на Порто.
Реал и Челси за Колумбиецот, кој оваа сезона во Примера постигна 22 гола во 26 натпревари, наводно се спремни да платат 60 милиони евра.