Бразилецот Нејмар во јуни ќе настапи на Купот на конфедерациите, а потоа ќе замине во Шпанија на преговори со Барселона, тврди „goal.com“. Порталот открива дека Нејмар ќе отпатува во каталонската престолнина на 9 јули, кога ќе почнат преговорите за неговиот ангажман на „Ноу Камп“.
Иако 21-годишниот напаѓач до сега инсистираше на тоа дека до крајот на Светското првенство во Бразил 2014 година ќе остане во својата татковина, според некои медиуми тој би можел наредново лето да се пресели во Европа со цел да се докаже и на „стариот континент“. Каталонскиот гигант до сега преку своите играчи Дани Алвеш и Адријано се обидуваше да го убеди дека токму Барса е вистинскиот избор за него.