На последниот натпревар од 30.коло во шпанската Примера Дивизија, синоќа Севиља на домашен терен го совлада Атлетик Билбао со 2:1.
Двата гола за домашната екипа ги постигна центарфорот Алваро Негредо во 4.та и во 87.та минута. Стрелец на голот за гостите беше Карлос Гурпеги во 55.та минута.
Покрај головите натпреварот изобилуваше и со картони – 10 жолти и 2 црвени, по еден за двата тима.
Севиља со оваа победа со вкупно 41 бод се искачи на 10.место на табелата, додека Атлетик Билбао со 35 бодови остана на 13.место.