Навивачите на Барселона за нов тренер на католонскиот клуб, го посакуваат Јуп Хејнкенс, откри анкетата која ја направи дневниот весник „Спорт“.
Хејнекс се повлече од тренерската работа по завршувањето на минатата сезона, го водеше минхенски Баерн до тројната круна.
37 % од навивачите на актуелниот шампион на Шпанија го дадоа својот глас на Хејнкенс, кој во Шпанија веќе ги водеше Атлетико Билбао, Тенерифе, и мадридски Реал.
Според таа анкета, Марсело Биелса го завзеде второто место.
И покрај тврдењата дека Андре Виљаш Боаш е фаворит за место тренер на Барселона, во сабота попладне се појави информација дека тоа е Луис Енрике, кој моментално ја води Селта Виго.
Енрике беше тренер на вториот тим на Барселона од 2008 до 2011 година, а потоа ја превземе Рома, со која екипа имаше многу неуспешна сезона.
43-годишниот Енрике ја превзеде Селта ова лето, но во Барселона наводно сметаат дека тој е идеален човек кој ќе ја задржи филозофијата во клубот.