Раководството на шпанските фудбалски лиги донесе одлука екипата на Мурсија да се исфрли од втората во третата лига и да се казни со 180 илјади евра поради неисполнување на основните финансиски критериуми.
На денешниот состанок во седиштето на шпанските лиги во Мадрид присуствуваше и тренерот на Мурсија Хозе Мануел Аира кој можеше на лице место да се запознае со казните што ги доби неговиот клуб.
Група од неколку стотина навивачи кои беа собрани пред зградата во која се одржуваше состанокот бараа да не биде казнет нивниот миленик.
По овој епилог со случајот Мурсија, во новата сезона на нејзино место во Втората шпанска лига ќе игра Мирандес, иако последната сезона испадна како 19-то пласиран.