Тренерот на Реал Мадрид, португалскиот стручњак Жозе Мурињо по синоќешниот пораз од Атлетико сезонава ја оцени како најлоша во неговата тренерска кариера.
– Долго сум тренер, а оваа е најлошата сезона во мојата кариера. Игравме финале во купот, полуфинале во Лигата на шампионите, втори сме во Примера и го освоивме Суперкупот, но за мене дефинитивно 2012/13 е најлошата сезона, истакна Мурињо на прес-конференцијата по синоќешното финале на „Кралскиот куп“.
Тој додаде дека неговиот тим не го заслужил поразот.
– Требаше да победиме уште во 90.те минути кога создадовме многу шанси. И во продолжението можевме, но не постигнавме гол, рече Португалецот.
Мурињо за неговата иднина во Реал кажа дека ќе одлучи по разговорите со управата. Тој има актуелен договор до 2015 година.