Тренерот на Реал Мадрид Жозе Мурињо изјави дека Икер Касиљас тешко ќе се врати на голот, на фудбалскиот клуб, бидејќи за сега одлично брани, Диего Лопес.
Мурињо по ремито со Сарагоса од 1:1, изјави дека Лопес тешко ќе го напушти голот, доколку продолжи со добрата одбрана.
Лопес дојде од Севиља, откако на 24-ти јануари Касиљас ја повреди раката. Новиот голман на Реал помогна во елиминацијата на Манчестер Јунајтед во осминафиналето од Лигата на шампионите.
Лекарите на Касиљас му дозволија вчера да игра, но тој се најде на резервната клупа.
Мурињо изјави дека Касиљас нема да биде во тимот ниту за четвртфиналето од Лигата на шампионите, кое се игра во среда со Галатасарај, но може да биде во екипата за наредниот натпревар против Леванте.
Елена Георгиевска