Фудбалерот за врска на Реал Мадрид, Лука Модриќ, кој беше прогласен за најдобар играч на реванш осминафиналниот натпревар од Лигата на шампионите против Аталанта (3:1, прв натпревар 1:0), рече дека се чувствува подмладено.
– Тренерот побара од нас да притиснеме повисоко. Ова е она што го направивме. Ова ни даде доверба. Се чувствувам како да сум повторно 27. Не размислувам за мојата возраст. Не е важна ознаката во пасошот, туку вашата игра на теренот. Сè уште сум гладен да се борам на највисоко ниво и да работам секој ден за да останам тука. Сега беше важно да се пласираме во четвртфиналето по две сезони кога бевме елиминирани порано. Можеме да одиме многу далеку, истакна Модриќ.
Триесет и петгодишниот хрватскиот репрезентативец во Реал Мадрид е од 2012 година.