Најдобриот фудбалер на Мундијалот во Русија, Лука Модриќ, изјави дека по планетарниот собир се чувствувал многу изморено. Членот на Реал Мадрид со хрватската репрезентација стигна до финалето на СП 2018.
33-годишниот играч сега се чувствува подобро и постепено се враќа во ритам.
– Бев многу уморен по Светското првенство, и морално и физички. Сега се чувствувам подобро, редовно можам да играм, се чувствувам свежо и релаксирано, изјави Модриќ за „Марка“.
Запрашан за „Златна топка” за која конкурира тој Кристијано Роналдо и Мохамед Салах, Модриќ рече дека не е оптоварен со тоа кој ќе ја освои.
– Не мислам на тоа. Ако победам е одлично. Но, ако тоа не се случи, во ред е – животот продолжува. Во секој случај, јас сум благодарен на сите што ме поддржуваат, додава Модриќ.