Претседателот на европската фудбалска унија УЕФА, Мишел Платини, коментирајќи ги случувањата на квалификацискиот натпревар Србија-Албанија во Белград, запраша што доколку на дронот наместо знаме, имало бомба.
– Навистина, можам да кажам дека прекинот на мечот беше срамен. Ќе покренеме дисциплинска постапка и секој ќе одговара за своите постапки. Мора да ги спречиме ваквите работи. Ова станува опасно. Би се запрашал само што ако на дронот наместо знаме имаше бомба, изјави Платини за француската телевизија ТФ1 .
Тој потврди дека во Белград имало и специјално лице на УЕФА за безбедност, бидејќи натреварот бил оценет како дуел со потенцијална опасност.
Платини порача дека фудбалот треба да ги зближува луѓето и дека спортските натпревари никогаш не треба да се мешаат со политиката.