Очигледно пандемијата од коронавирус не ја исцеди силата на ѕвездата на Барселона, Лео Меси.
Аргентинецот ја надмина повредата од пред една недела и го постигна четвртиот гол во победата како гостин над Мајорка со 4:0.
Мечот беше прв за „Каталонците“ по рестартот на Ла Лига. Покрај Меси, погодија и Артуро Видал (2), Мартин Брајтваит (37) и Жорди Алба (79).
Со својот гол против Мајорка, Аргентинецот подобри уште еден рекорд, бидејќи веќе има 20 гола во досегашниот шампионат, но тој стана првиот фудбалер во историјата на шпанскиот шампионат, кој во 12 последователни сезони постигнал 20 и повеќе голови.