Најдобриот играч на Барселона Лионел Меси ги уплатил петте милиони евра кој ги должел на име неплатени даночни обврски кон државата Шпанија и со тоа ги покрил сите заостанати побарувања од претходните години.
И покрај раздолжувањето со државата, Аргентинецот кој ги брани боите на „каталонскиот клуб“ ќе мора да се појави на судењето закажано за 17 септември.
Поради обид за избегнување на овој данок кон Меси беше поведена судска постапка од страна на надлежните државни органи.
Шпанскиот државен обвинител против него и неговиот татко поднесе кривични пријави поради погрешно пополнување на даночната пријава за периодот 2006-2009 година со цел избегнување данок во вредност од преку четири милиони евра.
Според обвинението парите кои Лионел и Хорхе Меси ги добивале од спонзорските договори оделе преку приватните сметки регистрирани во Уругвај и на тој начин незаконски било избегнато плаќањето данок во Шпанија.