Најдобриот фудбалер на Барселона, аргентинскиот интернационалец Лионел Меси синоќа во Никозија против Апоел постигна три голови и стана најефикасен играч во историјата на Лигата на шампионите со 74 погодоци.
Втор на оваа листа се наоѓа поранешниот капитен на Реал Мадрид, Раул Гонзалес кој 71. пат реализирал во елитното натпреварување.
Најголемата закана за достигнувањето на Меси доаѓа од ѕвездата на Реал, Кристијано Роналдо кој досега во ЛШ има дадено 70 голови, а оваа бројка може да ја зголеми уште вечер, бидејќи неговиот тим го очекува натпревар со Базел на гостински терен.