Еден од најдобрите играчи во светот Лионел Меси, ги отфрли шпекулациите дека би можел да ја напушти Барселона и да прејде во Манчестер Сити, истакнувајќи дека е многу среќен во Каталонија.
Британските медиуми објавија дека менаџерот на Сити, Пеп Гвардиола се обидел да го искористи пријателскиот однос со Аргентинецот за да ја добие неговата согласност да направи трансфер за рекордни 114 милиони евра.
– Јас секогаш кажувам дека Барселона се ми има дадено и дека ќе бидам дел од клубот, се додека тука сум пожелен. Премиер лигата е силно и непредвидливо првенство што најдобро се виде минатата сезона кога Лестер беше шампион. Сигурен сум дека Гвардиола ќе биде успешен, изјави Меси за списанието „Тренер“.
Меси веќе подолго време е во преговори со каталонскиот клуб околу продолжување на соработка која истекува во 2018 година, но нема напредок во преговорите.
Тој целата своја кариера ја помина во Барселона, освои се што можеше, вклучувајќи осум титули во шпанската Примера и четири трофеи евроспки првак, додека индивидуалниот план доби рекордни пет „Златни топки“.