Пилотот на „Ферари“ Фелипе Маса оствари најдобар резултат на двата тренинга пред трката од шампионатот во Формула 1 за Големата награда на Кина.
Времето на Бразилецот на најбрзо извозениот круг во текот на вториот тренинг изнесуваше 1:35.717. По него следуваат Кими Раиконен од „Лотус“ и Фернандо Алонсо од „Ферари“.
На првото слободно возење најбрз беше Нико Розберг од „Мерцедес“ кој прв помина круг со време под 1:37.
На првиот тренинг се случи инцидент кога Серхио Перез при враќање во боксот на успеа да го сопре својот болид и удри во заштитните гуми. Од „Мекларен“ тврдат дека причина за излетувањето на нивниот возач се незагреаните гуми.
Квалификациите за трката ќе се возат утре, додека главната трка е в недела во 9 часот по македонско време.